Je suis commun par tout & par tout estimable,
Aussi chacun par tout m’a voulu retirer,
Les pauvres ne feroyent sans moy que souspirer,
Les grands en cent façons me rendent delectable.
Mon corps est fort divers, & est fort aggreable,
Il rejouyst la vue & si la faict pleurer,
Mon fruict qui n’est point fruict se void beaucoup durer,
Maugré l’orgueil du temps qui le rend plus aimable.
Il est bon (mais non tant que sa doulce liqueur)
Laschant au premier feu, guerissant la douleur,
Et mesme celle-là qu’il fait par son visage.
Mais son trou naturel comme un baston formé
Jette plus de semence au beau Prin-temps aimé,
Qui friande en Amour est plaisante en mesnage.
la Troisième, in Marc Papillon de Lasphrise, Les Énigmes licencieuses, collages de Claude Ballaré, éditions finitude, Bordeaux, 2008.
[... pour le seul plaisir de prouver au lecteur que son esprit est parfois bien mal placé] \o/